- مش قبضوا عالعريان , - ياراجل , وإبتسم ؟

عندما أيقن أنها نهاية المطاف , وأنه فى سبيله للحاق برفاق النضال الدموى فى طرة ليسترجعوا هناك أمجاد الإرهاب ضد بنى مصر الذين لبسوا ثوبهم على مدى ثمانية عقود من الزمان كانوا فيها خير أجناد الجحود والضلال والكذب والإفتراء بإسم الدين , إبتسم العريان , إبتسامة الصمود لمن لم يأتى عليه الدور وما زالوا فى معسكر الخراب يبثون سمومهم فى أرجاء الوطن , وطن هؤلاء المصريين الغرباء , أعدائهم الذين لفظوهم وكتبوا الفصل الأخير فى وجودهم , هكذا صوّر لهم خيالهم المريض أن هذه الإبتسامة البلهاء تعنى الصمود , مازالوا فى ضلالهم لا يعرفون أن 30 يونيو قد وضع ختام وجودهم وإلى الأبد . الوحيد الذى لم يبتسم منهم , كان مرشدهم , ولعل السبب أن الصدمة كانت شديدة القسوة علية حتى أنها أنسته واجب الإبتسام المفروض .
تخيل معى لقاء طرة اليوم
إيه رأيكم ؟ دوختهم أنا , مش كده ؟
بس وقعت يافالح .
العيال بتوع الأمن دول ولاد جنية , جابونى إزاى مش عارف .
كان أملنا فيك كبير .
مش مهم , المهم العيال قايمين بالواجب فى الجامعة .
بكره يوقفوهم .
لا ده أنت ماتعرفش الببلاوى على كده , ده سايبهالنا عالبحرى .
لأ , إنت إللى متعرفش الشعب المصرى , خدعونا ولاد الكفرة دول .
ما تقلقش , عبد الماجد قايم بالواجب فى التفخيخ والعمليات الإنتحارية وعبد المقصود غاسل دماغ  عيالنا بالفتاوى الجهادية .
هو عاد فيه عيال , ده كل يوم بيقلوا عن اليوم إللى قبله .
ما حنا ماكناش ساكتين , بنأجر بلطجية وسوريين وشوية العيال المدمنين , الحق عاملين شغل مية مية , ربنا يحمبهم .
بكره يزهقوا أو يخافوا بعد مايشوفونا بنقع واحد ورا التانى .
مش حايحصل , طول ما حنفية الفلوس مفتوحة من قطر , ما تقلقش .
ده حتى عبد الماجد وعبد المقصود خايف أقوم من النوم بكره ألاقيهم جنبى .
ياسلام على تشاؤمك ياشيخ , فال الله ولا فالك , دول الأمل إللى فاضل لنا .
حا يعملوا إيه يعنى ؟
كتير , حا نرجع مرسى ونرجع الدستور ونرجع الشورى ونرجع مجلس الشعب كمان ونعتقل الإنقلابيين و.....    
وعلا شخير الحضور .

Posted in: خبر ورأى