سلطان الحكيم وخطة 30 يونيو

عصام سلطان، نائب رئيس حزب الوسط ، " والمحسوب على الإخوان جملة وتفصيلا وإللى قال إيه منشق ومش إخوانى " توقع عبر صفحته على "الفيس بوك" وقوع صدامات بين معارضى ومؤيدى الرئيس يوم 30 يونيو، مشيرًا إلى أن الأحزاب والقوى ذات المرجعية الإسلامية التي خارج السلطة موجودة في هذا الصراع لأنها مؤمنة بالدفاع عن إرادة واختيار الناس والاحتكام للصندوق على الرغم من انتقادهم لأداء مرسي وحكومته " فرقة المتأسلمين المتحالفين مع مرسى والمستفيدين من حكمه " . وأشار إلى أن الفلول والمعزولين سياسيًا " إللى هما شعب مصر كله " هم الذين يقودون المشهد على الجانب الآخر، مؤكدًا أن تصريحات الفلول واضحة وأنهم ضد جبهة الإنقاذ ولن يسمحوا لهم أن يتصدروا المشهد ولو بجزء من الكحكة الموعودة " فلول فلول فلول وهما أم الفلول " . وأضاف سلطان زمانه قائلاً : " خدها قاعدة إن أي مواجهة شعبية بين ناس عزل وناس معاهم سلاح فالحسم طبعًا للناس العزل بلا مناقشة ؛ خصوصًا لو كانوا بيتحركوا من منطلق عقيدة دينية ووطنية وقضيتهم واضحة " كذب واضح فاضح , قال إيه , الإخوان عزل وغير مسلحين أما الثوار الوحشين هما إللى مسلحين " ، ويضيف , والكلام ده من أيام الحملة الفرنسية اللى دحرها المصريين تحت قيادة العلماء الأزهريين . " العلماء الأزهريين مش الإخوان المسلمين " وأكد سلطان أن الحل يكمن في أن يعلن الناس السلميين " إللى هما الإخوان وحلفائهم المتأسلمين " مكان محدد لنزولهم، ويعملوا لنفسهم بوابات وتفتيش زى ما كنا بنعمل في ميدان التحرير " زى ماكان بيعمل فى ميدان التحرير , ماهو ثائر من الثوار , لكن لم يتم القبض عليه وسجنه فى سجون مرسى إسوة بالثوار الحقيقيين " وميسمحوش للسلاح بالدخول " أبدا , سلاح ؟ بعد الشر " ويتظاهروا ويعتصموا ويستمروا أيامًا وأسابيع " أياما وأسابيعا , برضه الأمل حلو " " لغاية ما يقنعوا ملايين بصحة وجهة نظرهم وينزلوهم من بيوتهم بالإقناع " الشعب إللى بيحلم يقنعه كله كره الإسلاميين وكفر بيهم ونازل ضدهم مش معاهم " ويضيف , زى ما عملنا بالضبط في ثورة يناير " بالظبط كده , زى ماعمل هو فى ثورة يناير هو وإخوانه إللى سابوا الميدان ووقفوا ضده أول ماتم الإتفاق " ويضيف أيضا وغير كده تبقى مش ثورة دى تبقى حمل كاذب " طبعا دى تعبيراته الدارجة الحلوة إللى بيحب يستخدمها " وهيتفضح أمام الناس والعالم". وهذه هى الجملة الوحيدة الصادقة فى هذا الموضوع " هيتفضح أمام الناس والعالم " قول إن شاء الله ياحكيم زمان الإخوان .

Posted in: أحداث هامة